Желдің сапасын қалай бағалауға болады

Таза энергия өндіретін әрбір жел қондырғысы белгілі бір аймақты зерттеуді ескере отырып орнатылады. ЖЭС жобалау сатысында құрылыс басталғанынша дейін ұзақ мониторинг жүргізіледі. Өлшемдер жел ағынының оңтайлы күші қай жерде, қашан және қай уақытта екенін дәл білуге мүмкіндік береді.

Жел паркінің болашақ алаңында жылдамдықты, жиілікті, температураны және ылғалдылықты өлшейтін датчиктері бар биік діңгек орнатылады. Жыл бойы жиналған көрсеткіштер жел қондырғыларын салу белгілерін анықтауға мүмкіндік береді, ал қаржыгерлер жобаның өтелуі бойынша есептеулер дайындайды.

Желді бақылау үшін 100 метрлік діңгек салу, сонымен қатар оны күтіп ұстау және одан кейін бөлшектеу арзан емес. Бірақ бүгінде аз шығынға мүмкіндік беретін технологиялар бар. Олардың бірі light Detection and Ranging (LIDAR) - мұнда барлық өлшемдер лазер сәулесімен қамтамасыз етеді.

Өткен жылы USAID "Орталық Азия энергетикасы" салалық жобасы аясында «Жаңартылатын энергия көздерін қолдау жөніндегі есеп айырысу-қаржы орталығына» ЖШС 2 LIDAR қондырғысы берілді. Жазда олардың бірі Астана маңында орнатылды. Бір қызығы, бұл учаскеде көрсеткіштердің дәлдігі мен қателігін салыстыру үшін LIDAR мен жел діңгегімен параллель жел өлшемдерін жүргізу туралы шешім қабылданды.

Жұмыс барысында LIDAR қондырғысының қарапайымдылығы мен қол жетімділігі анықталды. Құрылғыдан ақпарат толық көлемде келіп түседі. Әрине, қыстын суық кундерінде автономияға байланысты техникалық сәттер де пайда болған. Тәжірибе алаңына жұмыс сапары кезінде "Заманауи инновациялық технологиялар" компаниясының өкілі қоректендіру құрылғысының жұмыс схемасындағы шешімдер мен кейбір өзгерістер туралы айтып берді. Солтүстіктің климаттық жағдайына байланысты екі күн панелдерін орынына тиісті қуаттылықтағы жел генераторы (R-0,5 кВт) мен аккумуляторды орнатып автономиялық қорын арттырды.

Зерттеу қорытындылары бойынша жел діңгегіне қатысты LIDAR өлшеу аспаптарының көрсеткіштеріндегі қатені ескере отырып, егжей-тегжейлі есеп берілетін болады.