ҚР Энергетика министрлігі Қазақстандағы жаңартылатын энергия көздері жөніндегі аукциондарға қатысуға шақырады

 Аукциондарды ұйымдастыру және өткізу қағидаларына сәйкес (Қазақстан Республикасы Энергетика министрінің 2017 жылғы 21 желтоқсандағы № 466 бұйрығымен бекітілген) 2022 жылға арналған аукциондарды өткізу кесте-графигі Қазақстан Республикасы Энергетика министрлігінің ресми сайтында жарияланған.

2022 жылға арналған аукциондық сауда-саттықты өткізу графигін бекіту туралы

 Аукционға қойылған жалпы белгіленген қуат 2022 жылы электр станцияларының түрлері бойынша бөлінген 690 МВт құрайды:

- күн электр станциялары (КЭС) - 60 МВт;

- жел энергетикалық қондырғылар (ЖЭС) - 400 МВт; оның ішінде 150 МВт құжаттамамен;

- гидроэлектр станциялары (ГЭС) – 220 МВт;

- биогаз электр станциялары (БиоЭС) – 10 МВт.

 Жаңартылатын энергетика жобаларын іріктеу жөніндегі аукциондарға қатысуға дайындық мақсатында мүдделі тараптар Қазақстан Республикасы Энергетика министрлігінің, «Жаңартылатын энергия көздерін қолдау жөніндегі қаржы-есеп айырысу орталығының» (http://www.rfc.kegoc.kz/) және «КОРЭМ» АҚ-тың (http://www.korem.kz/) ресми сайттарында түсіндірулерді сұрата алады немесе түсіндіру семинарларына, вебинарларына қатыса алады.